Алт болон мөнгөний ханш богино хугацаанд буурах хандлага үргэлжилж байна

👆Алт болон мөнгөний ханш богино хугацаанд буурах хандлага үргэлжилж байна

Алт болон мөнгөний үнэ 2025 онд түүхэн хүчтэй өсөлт үзүүлсэн ч 2026 онд эрч нь мэдэгдэхүйц саарч байна. Спот алтны үнэ унц нь 4,000 ам.долларын түвшнээс доош хэлбэлзэж байгаа бол мөнгөний үнэ 60 ам.долларын босгыг давж чадахгүй хэвээр байна. Оны эхнээс хойш алт ойролцоогоор 7.5%, мөнгө бараг 20%-иар буурсан бөгөөд зах зээлийн шинжээчид энэхүү дарамт ойрын хугацаанд үргэлжлэх төлөвтэй гэж үзэж байна. Шинжээчдийн үзэж буйгаар үнийн бууралтын гол шалтгаан нь АНУ-ын Холбооны Нөөцийн банк болон бусад томоохон төв банкнуудын мөнгөний бодлого илүү хатуу чиглэлд шилжиж, бодит хүү болон ам.долларын ханш өсөх хүлээлт нэмэгдсэнтэй холбоотой юм. Үүний зэрэгцээ Ойрх Дорнодын геополитикийн нөхцөл байдал харьцангуй намжсан нь алтны "аюулгүй хөрөнгө" гэсэн эрэлтийг бууруулж, хөрөнгө оруулагчид ашиг түгжих болон хөрөнгөө хувьцааны зах зээл рүү шилжүүлэх хандлагыг нэмэгдүүлжээ. Дэлхийн Алтны Зөвлөлийн судалгаагаар төв банкнуудын бараг 90% нь ирэх нэг жилийн хугацаанд дэлхийн алтны албан нөөц өснө гэж үзэж байгаа нь алт урт хугацаанд үнэ цэнээ хадгалах хөрөнгө хэвээр байгааг харуулж байна.

Иймээс богино хугацаанд өндөр бодит хүү, хүчтэй ам.доллар болон төв банкнуудын хатуу бодлого үнэт металлуудад дарамт учруулж байгаа ч инфляц, геополитикийн эрсдэл болон төв банкнуудын худалдан авалт нь урт хугацааны өсөлтийн суурь дэмжлэг хэвээр үлдэж байна.

⚙️Apple компани бүтээгдэхүүний үнээ нэмэгдүүлэхээр боллоо

Apple хиймэл оюун ухааны дэд бүтцийн эрэлтээс үүдэн санах ой (memory) болон хадгалах төхөөрөмжийн үнэ эрс өссөнтэй холбоотойгоор MacBook болон iPad бүтээгдэхүүнийхээ үнийг нэмэгдүүлснээ албан ёсоор зарлалаа.

Үнэ нэмэгдэх болсон гол шалтгаан нь AI дата төвүүдийн хурдацтай өргөжилтээс үүдэн санах ой болон хадгалах төхөөрөмжийн эрэлт огцом өсөж, эдгээр бүрэлдэхүүн хэсгийн үнэ сүүлийн гурван улиралд дөрөв дахин нэмэгдсэнтэй холбоотой юм. Apple-ийн гүйцэтгэх захирал Тим Күүк өнгөрсөн долоо хоногт ийм нөхцөлд хэрэглэгчдийг зардлын өсөлтөөс бүрэн хамгаалах боломжгүй болсон гэдгийг мэдэгдэж байсан бол компани цаашид ч зарим бүтээгдэхүүний үнийг нэмэгдүүлэх боломжтойг онцолжээ.

Энэ нөхцөл байдал санах ойн үйлдвэрлэгчдэд томоохон ашиг авчирч байна. Тухайлбал, Micron хамгийн сүүлийн улиралд орлого нь дөрөв дахин өсөж, нийт ашгийн маржин нь 84.9%-д хүрсэн нь Nvidia болон Meta зэрэг компаниудаас ч өндөр үзүүлэлт болсон байна.

Шинжээчдийн үзэж байгаагаар AI-ийн илүү өндөр хүчин чадалтай функцуудыг дэмжихийн тулд Apple шинэ төхөөрөмжүүддээ илүү их RAM болон хадгалах багтаамж шаардлагатай болгож байгаа бөгөөд үүний зэрэгцээ iPhone зэрэг бүтээгдэхүүний дундаж борлуулалтын үнэ энэ онд ойролцоогоор 12%-иар өсөх төлөвтэй байна. Иймээс Apple үнийн өсөлтийг зөвхөн бүрэлдэхүүн хэсгийн өртөг нэмэгдсэнтэй бус, илүү өндөр үзүүлэлттэй техник хангамж болон AI боломжуудтай шинэ бүтээгдэхүүн санал болгож буйтай холбон тайлбарлах стратеги баримталж байна.

🪙ОНЦЛОХ БОНД

💰Хүү 21%

📱Бондын зөвлөхүүд: 8888-9183 | 8083-6622 | 8665-1177 | 8004-6611 | 8888-9414
🌐Бондын форм: https://golomtcapital.com/forms/bond
💻Бондын захиалга өгөх:: https://trader.golomtcapital.com/

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд