Ши Жиньпин: Тайванийн асуудал харилцааг мөргөлдөөн рүү түлхэж болзошгүй

🔵Ши Жиньпин: Тайванийн асуудал харилцааг мөргөлдөөн рүү түлхэж болзошгүй

Доналд Трамп, Ши Жиньпин нарын уулзалтын өнөөдөр хоёр дахь өдрөө үргэлжлэх бөгөөд худалдаа, бүс нутгийн аюулгүй байдал, Ираны асуудал зэрэг томоохон сэдэв хэлэлцээний төвд байлаа. Гэвч энэ үеэр Ши Жиньпин Тайванийн асуудлаар хатуу анхааруулга өгсөн нь АНУ, Хятадын харилцаа дахин хурцдах эрсдэлийг тодотгов.

Хятадын Гадаад хэргийн яамны мэдээлснээр Ши Жиньпин Тайванийн асуудлыг “буруу удирдвал хоёр улсын харилцааг мөргөлдөөн рүү түлхэж болзошгүй” хэмээн Трампад анхааруулжээ. Гэвч АНУ-ын Төрийн нарийн бичгийн дарга Марко Рубио Тайванийн асуудал хөндөгдсөн ч “АНУ-ын бодлого өөрчлөгдөөгүй” гэдгийг онцолсон байна.

Үүний зэрэгцээ талууд худалдааны түр эвлэрлийг үргэлжлүүлэх, цаашдын маргааныг зохицуулах шинэ механизм байгуулах талаар ахиц гаргасныг АНУ-ын Худалдааны төлөөлөгч Жеймисон Грир мэдэгдэв. Мөн Хятад Америкийн хөдөө аж ахуйн бүтээгдэхүүн, үхрийн мах, Boeing компанийн онгоц худалдан авахаар тохиролцсон байна.

Хятад 200 ширхэг Boeing онгоц захиалахаар болсон нь сүүлийн бараг 10 жилийн хугацаанд АНУ-аас авах анхны томоохон нисэх онгоцны захиалга болохоор байна. Гэвч зах зээл 500 орчим онгоцны хэлцэл хүлээж байсан тул Boeing-ийн хувьцаа 5 хувиар унажээ.

Үүнээс гадна Трамп Ираны асуудлаар Хятадын дэмжлэгийг авахыг зорьж, Ормузын хоолойг дахин нээх асуудлыг онцлон хэлэлцсэн байна. 

🪙ОНЦЛОХ БОНД

💰Хүү 18-21%

📱Бондын зөвлөхүүд: 8888-9183 | 8083-6622 | 8665-1177 | 8004-6611 | 8886-9282
🌐Бондын форм: https://golomtcapital.com/forms/bond
💻Бондын захиалга өгөх:: https://trader.golomtcapital.com/

⚙️АНУ, Хятадын давхар саадад гацсан Nvidia-ийн H200 чипийн хэлцэл

Nvidia-ийн Хятад руу H200 AI чип экспортлох хэлцэл АНУ, Хятадын геополитикийн өрсөлдөөний улмаас гацаанд орж, хоёр талын технологийн зөрчил улам гүнзгийрч байна.

АНУ Nvidia-ийн чип экспортлохыг зөвшөөрсөн ч маш хатуу нөхцөл тавьжээ. Тухайлбал, Вашингтон чипийн борлуулалтын орлогын 25%-ийг авах зохицуулалт хийсэн бөгөөд үүнийг хэрэгжүүлэхийн тулд чипүүд эхлээд АНУ-ын нутаг дэвсгэрээр дамжин Хятад руу хүрэх шаардлагатай болсон байна. Мөн чипүүдийг цэргийн зориулалтаар ашиглахгүй байх баталгаа шаардаж, нэг компанид зарах хэмжээг 75,000 чипээр хязгаарлажээ.

Түүнчлэн Бээжин ч мөн өөрийн компаниудад Nvidia-ийн чип худалдан авахгүй байх чиглэл өгсөн байна. АНУ-аар дамжин ирэх чипүүдэд нууц хяналтын систем суулгасан байж болзошгүй гэсэн болгоомжлол Хятадад нэмэгдэж байгаа аж.

Үүний зэрэгцээ Хятад нийлүүлэлтийн сүлжээний аюулгүй байдлын шинэ дүрэм хэрэгжүүлж, стратегийн технологийн салбар дахь гадаад хамаарлыг бууруулах бодлогоо эрчимжүүлжээ.

Ингэснээр Nvidia хоёр улсын эсрэг тэсрэг бодлогын дунд орж, зөвшөөрөгдсөн худалдаа хүртэл геополитикийн маргаанд гацах болсон байна. Тиймээс Nvidia-ийн CEO Женсен Хуан Трампын Бээжингийн айлчлалд оролцож, Трамп-Ши Жиньпиний тохиролцоо энэ асуудлыг шийдэж магадгүй гэсэн хүлээлт зах зээлд үүссэн байна.

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд