БНХАУ-ын технологийн компаниудад хөрөнгө оруулах цаг нь иржээ

👆БНХАУ-ын технологийн компаниудад хөрөнгө оруулах цаг нь иржээ

АНУ, БНХАУ-ын технологийн өрсөлдөөн шинэ шатанд шилжиж, одоо зөвхөн дотоодын зах зээл бус дэлхийн хэрэглэгчид, дэд бүтэц, технологийн экосистемийг хэн удирдах вэ гэсэн өрсөлдөөн болон өргөжиж байна. Хятадын компаниуд хиймэл оюун ухаан, дата төв, үүлэн тооцоолол зэрэг салбарт олон улсын зах зээлд эрчимтэй тэлж байгаа бол АНУ ч холбоотон орнуудтайгаа хамтран технологийн нөлөөгөө хадгалах бодлогоо улам эрчимжүүлж байна.

Хятадын технологийн компаниудын дараагийн зорилго нь зөвхөн өндөр үзүүлэлттэй, хямд өртөгтэй хиймэл оюун ухааны загвар хөгжүүлэх бус, үйлдвэрлэл болон бусад салбаруудад хиймэл оюун ухааныг өргөн хүрээнд нэвтрүүлж, аж үйлдвэрийн экосистемтэй нэгтгэхэд чиглэж байна.

Хятадын компаниуд дэлхийн үүлэн тооцооллын зах зээлд байр сууриа тэлэхээр дата төвүүдэд их хэмжээний хөрөнгө оруулалт хийж байна. Alibaba Франц дахь гурав дахь дата төвөө байгуулснаар Европ дахь сүлжээгээ өргөжүүлж, Их Британи болон Германд ажиллаж буй дата төвүүдтэйгээ холбон үйл ажиллагаагаа өргөжүүлэхээр болсон.

Мөн Alibaba болон ByteDance компаниуд Азийн бүсэд дата төвүүдээ эрчимтэй нэмэгдүүлж байгаа бол Amazon, Google, Microsoft, Oracle зэрэг АНУ-ын технологийн аваргууд мөн адил бүс нутагт хөрөнгө оруулалтаа нэмэгдүүлж байна. Мөн 2030 он гэхэд дэлхийн дата төвийн эрэлтийн 34 орчим хувийг Ази, Номхон далайн бүс бүрдүүлэх төлөвтэй байна.

⚙️ АНУ болон Иран дахин шинэ хэлэлцээр хиййхээр боллоо

АНУ-ын Ерөнхийлөгч Дональд Трамп АНУ, Иран хоёр 6-р сарын 30-нд Катарын нийслэл Доха хотод шинэ хэлэлцээ хийхээр болсныг мэдэгдлээ. Энэхүү уулзалт нь амралтын өдрүүдэд хоёр тал харилцан цэргийн цохилт хийж, бүс нутгийн хурцадмал байдал дахин нэмэгдсэний дараа зохион байгуулагдаж байгаа юм. Трампын мэдээлснээр уулзалтыг Ираны тал хүссэн бөгөөд АНУ-ын Төрийн нарийн бичгийн дарга Марко Рубио болон Ерөнхийлөгчийн тусгай элч Стив Виткофф нар хэлэлцээний өмнө Конгресст энхийн хэлэлцээрийн эхний шатны талаар мэдээлэл өгөхөөр төлөвлөжээ.

Цагаан ордон гал зогсоох тохиролцоо хүчинтэй хэвээр байгаа бөгөөд санамж бичгийн хэрэгжилтийн техникийн хэлэлцээ үргэлжилнэ гэж мэдэгдсэн байна. Мөн хоёр тал цэргийн ажиллагаагаа түр зогсоож, дэлхийн газрын тосны нийлүүлэлтийн хамгийн чухал бүсүүдийн нэг болох Ормузын хоолойгоор худалдааны усан онгоцнуудыг хэвийн зорчуулах талаар тохиролцсон гэж АНУ-ын албаныхан мэдээлжээ.

Өнгөрсөн амралтын өдрүүдэд АНУ Ираны цэргийн байгууламжуудад цохилт өгсөн нь Иран Ормузын хоолой дахь худалдааны хөлөг онгоцнууд руу халдсан явдлын хариу арга хэмжээ байсан гэж тайлбарласан бол Трамп Ираныг дахин сүрдүүлж, шаардлагатай бол цэргийн ажиллагааг улам өргөжүүлнэ гэж анхааруулсан юм. Гэсэн хэдий ч хоёр тал хэлэлцээний ширээнд дахин суухаар болсон нь мөргөлдөөнийг намжаах, бүс нутгийн тогтвортой байдлыг сэргээх боломжийг зах зээл эерэгээр үнэлж байна.

🪙ОНЦЛОХ БОНД

💰Хүү 21%

📱Бондын зөвлөхүүд: 8888-9183 | 8083-6622 | 8665-1177 | 8004-6611 | 8888-9414
🌐Бондын форм: https://golomtcapital.com/forms/bond
💻Бондын захиалга өгөх:: https://trader.golomtcapital.com/

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд