AI-ийн хүлээлтийн төвд Nvidia

⚙️AI-ийн хүлээлтийн төвд Nvidia

Nvidia-ийн улирлын тайлангийн өмнө зах зээл хүчтэй савлагаа хүлээж байгаа бөгөөд арилжааны хүлээлтээс харахад компанийн үнэлгээ нэг өдрийн дотор ойролцоогоор 350 тэрбум ам.доллароор өсөх эсвэл буурах хандлагатай байна.

Хөрөнгө оруулагчид тайлан гарсны дараа хувьцааны ханш хоёр чиглэлд ойролцоогоор 6.5%-иар хөдөлнө гэж хүлээж байгаа нь өмнөх улирлаас өндөр ч түүхэн дундаж савлагаанаас бага түвшинд байна. Энэ нь AI-ийн өсөлт үргэлжилнэ гэсэн итгэл хэвээр байгаа ч нөгөө талдаа хөрөнгө оруулагчид ашгаа хамгаалах, эрсдэлээ бууруулах хандлага нэмэгдсэнийг харуулж байна.

Зах зээл Nvidia-ийн тайлангаас AI дата төвийн эрэлт, технологийн аварга компаниудын хөрөнгө оруулалт, ашигт ажиллагааны түвшин болон ирээдүйн төлөвийн талаарх хүлээлтэд төвлөрч байна. Учир нь эдгээр үзүүлэлтүүд AI-тай холбоотой зах зээлийн өсөлт үргэлжлэх эсэхийг тодорхойлох гол хүчин зүйл болоод байна.

🪙ОНЦЛОХ БОНД

💰Хүү 18-21%

📱Бондын зөвлөхүүд: 8888-9183 | 8083-6622 | 8665-1177 | 8004-6611 | 8886-9282
🌐Бондын форм: https://golomtcapital.com/forms/bond
💻Бондын захиалга өгөх:: https://trader.golomtcapital.com/

🪖Сенат Трампын Ирантай холбоотой цэргийн эрх мэдлийг хязгаарлахаар урагшлав

АНУ-ын Сенат Ерөнхийлөгч Доналд Трампын Ирантай холбоотой дайны эрх мэдлийг хязгаарлах тогтоолыг урагшлуулж, Конгрессын зөвшөөрөлгүйгээр цэргийн ажиллагааг үргэлжлүүлэхийг зогсоох оролдлого хийлээ.

Сенатын процедурын санал хураалт 50-47 харьцаагаар дэмжигдсэн бөгөөд дөрвөн Бүгд Найрамдах намын сенатор Ардчилсан намынхантай нийлж саналаа өгсөн байна. Гэхдээ уг тогтоол хүчин төгөлдөр болохын тулд Сенат болон Төлөөлөгчдийн танхимаар бүрэн батлагдахаас гадна Трампын тавих магадлалтай хоригийг даван туулах хэмжээний олонхын санал шаардлагатай байгаа юм.

Тогтоолыг санаачлагч сенатор Тим Кейн “Иран гал зогсоох шинэ санал хүргүүлж байхад Конгресс дайн үргэлжлүүлэх эсэхийг хэлэлцэх ёстой” хэмээн мэдэгдэж, Цагаан ордон дипломат саналуудыг хууль тогтоогчидтой хуваалцахгүй байна гэж шүүмжилжээ.

Энэ үйл явдал нь АНУ-ын цэргийн ажиллагаатай холбоотой шийдвэрийг Ерөнхийлөгч дангаар гаргах уу, эсвэл Конгресс хянах уу гэсэн маргааныг дахин хурцатгаж байна. Иймээс уг тогтоолын ач холбогдол нь зөвхөн Ирантай холбоотой асуудлаар хязгаарлагдахгүй, АНУ-ын цэргийн бодлогыг хэн тодорхойлох вэ гэдэгт нөлөөлөхөөр байна.

🔵ОХУ-ын ерөнхийлөгчийн айлчлал гурван зүйл дээр тулгуурлаж байна.

ОХУ-ын Ерөнхийлөгч Vladimir Putin БНХАУ-д айлчилж байгаа нь зөвхөн харилцаагаа бататгах бус, худалдаа, эрчим хүч болон геополитикийн чиглэлээр тодорхой ашиг хүртэх зорилготой гэж үзэж байна.

Нэгдүгээрт, ОХУ Хятадын геополитикийн дэмжлэгийг хадгалахыг зорьж байна. Putin Хятадтай ойр холбоотой хэвээр гэдгээ АНУ болон өрнөдийн орнуудад харуулахыг хүсэж байгаа бөгөөд Украйны дайны асуудал дээр Бээжингээс дипломат дэмжлэг авах сонирхолтой байна. ОХУ баруун талдаа НАТО болон Украйны дарамттай байгаа учраас зүүн талдаа Хятадтай бат бөх холбоо тогтоох нь стратегийн ач холбогдолтой гэж үзэж байна.

Хоёрдугаарт, эрчим хүчний хамтын ажиллагаа хамгийн чухал асуудлуудын нэг хэвээр байна. ОХУ Европын зах зээлээ алдсанаас хойш Хятад руу газрын хий, нефтийн экспортоо нэмэгдүүлэхээс ихээхэн хамаарах болсон. Ялангуяа Монголоор дамжин Хятад руу хүрэх “Power of Siberia 2” хийн хоолойн төслийг урагшлуулахыг Putin хүсэж байгаа ч Хятад энэ асуудалд яарахгүй байгаа аж. Учир нь БНХАУ эрчим хүчний эх үүсвэрээ төрөлжүүлж, хангалттай нөөц бүрдүүлсэн гэж шинжээчид тайлбарлаж байна.

Гуравдугаарт, ОХУ Хятадаас технологи, үйлдвэрлэлийн бараа болон өргөн хэрэглээний бүтээгдэхүүний хамаарлаа улам нэмэгдүүлж байна. Украйны дайнаас өмнө Европ ОХУ-ын хамгийн том худалдааны түнш байсан бол одоо Хятад тэр байр суурийг эзэлж, хоёр улсын худалдааны хэмжээ сүүлийн дөрвөн жилд хоёр дахин өссөн байна. Иймээс Москва Бээжинтэй эдийн засгийн хамтын ажиллагаагаа аль болох олон салбарт өргөжүүлэхийг зорьж байгаа юм. 

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд