🔎 Apple-ийн  хувьцааны ханш 3.39 хувиар унасан шалтгаан

🔎Ам.доллар суларч, газрын тосны ханш өслөө.

📢Голомт Капиталын харилцагчид 20.5 тэрбум төгрөгийн бондын өгөөж хүртээд байна.

🔎 Palantir компанийн хувьцааны ханш ганцхан өдрийн дотор 19% өслөө

🔎Австралийн Atlassian компанийн тайлан сайн гарсан ч хувьцааны ханш нь буурлаа

🔎19.5%-ийн хүүтэй "MONEYBOX"  бонд зарлагдлаа

🔎МХБ-ийн 2023.11.02-ны өдрийн арилжаа

📊ТАЙЛАН

Apple-ийн  хувьцааны ханш 3.39 хувиар унасан шалтгаан

📲Өчигдөр Apple Inc компани ээлжит улирлын тайлангаа танилцууллаа. Тайлангийн голлох үзүүлэлтүүд шинжээчдийн таамаглалыг давсан ч дараагийн улиралд борлуулалтын орлого муудаж болзошгүй хэмээн компанийн удирдлагууд мэдэгдсэнээр бирж хаагдсаны дараах арилжаагаар хувьцааны ханш нь 📉 3.39 хувиар унажээ.

📲Apple компанийн голлох үзүүлэлт, шинжээчдийн таамаглал:

📲Шинжээчид ирэх улиралд тус компанийн борлуулалтын орлогыг өмнөх оны мөн үеэс 📈5 хувийн өсөлттэй буюу 122.98 тэрбум ам.долларт хүрнэ  гэж хүлээж байгаа бол тус компанийн санхүү хариуцсан захирал Luca Maestri-ийн хэлснээр борлуулалтын орлого өнгөрсөн оны мөн үетэй ойролцоо эсвэл бага гарч болзошгүй хэмээжээ.

Apple компанийн гүйцэтгэх захирал Tim Cook CNBC-д өгсөн ярилцлагадаа, iPhone 15 гар утасны борлуулалт iPhone 14-тэй харьцуулахад сайн байгааг онцолжээ.

📊АНХААРАЛД

Ам.доллар суларч, газрын тосны ханш өслөө.

Брент маркийн нефтийн үнэ 💵2.22 ам.доллар буюу 📈2.6%-иар өсөж, баррель нь 86.85 ам.доллар болсон бол АНУ-ын баруун Техасын газрын тосны үнэ 💵2.23 ам.доллар буюу 📈2.8%-иар өсөж баррель нь 82.67 ам.долларт хүрсэн байна.

Зээлийн хүүгийн огцом өсөлт эдийн засгийг удаашруулж, эрчим хүчний эрэлтийг бууруулж болзошгүй учраас төв банкнуудын бодлогын хүүгийн шийдвэр газрын тосны хөрөнгө оруулагчдад чухал байдаг.

Энэ 7 хоногт болсон ХНС-ийн бодлогын хурлаар жишиг хүүг 5.25%-5.50%-д хэвээр үлдээсэн бол өчигдөр Английн Төв банк бодлогын хүүг хоёр дахь сардаа хэвээр нь үлдээлээ.

Нийлүүлэлтийн тал дээр газрын тосны шилдэг экспортлогч Саудын Араб 12 сарыг хүртэл өдөрт 1 сая баррелиар олборлолтоо бууруулна.

Хөрөнгө оруулагчид мөн Ойрхи Дорнодод болж буй үйл явдлыг ажиглаж байна. Учир нь бүс нутгийн мөргөлдөөнөөс үүдэн газрын тосны нийлүүлэлт тасалдаж болзошгүй нөхцөл байдал үүсээд байгаа юм.

Өчигдрийн байдлаар Израилийн танкны анги нэгтгэл Хамас бүлэглэлийн дайчдын ширүүн эсэргүүцэлтэй тулгарсны улмаас Газа хотын эргэн тойронд мөргөлдөөн хурцадмал байдалд хүрээд байна.

📊ТАЙЛАН 

Palantir компанийн хувьцааны ханш ганцхан өдрийн дотор 19% өслөө

Технологийн салбарын Palantir компанийн 3 дугаар улирлын тайлан шинжээчдийн хүлээлтийг давснаар хувьцааны ханш нь өслөө.

Компанийн голлох үзүүлэлт, шинжээчдийн таамаглал:

Компанийн 3 улирлын үр дүнгээс харахад 4 улирал дараалан ашиг орлого нь нэмэгдсээр байгаа бөгөөд S&P 500 индекст орох бүрэн боломжтой гэсэн үг юм.

📣Palantir  4 улиралд 💵599-603 сая ам.долларын орлоготой ажиллана гэсэн хүлээлт байгаа бөгөөд жилийн орлогын төлөвлөгөөгөө 💵2.216-2.22 тэрбум ам.доллар болгон нэмэгдүүлжээ. 

📢Голомт Капиталын харилцагчид 20.5 тэрбум төгрөгийн бондын өгөөж хүртЖЭЭ

Голомт Капитал ҮЦК нь бондын нээлттэй болон хаалттай зах зээлээс 2023 оны 10 сарын байдлаар нийт 💵234.7 тэрбум төгрөгийн хөрөнгө оруулалт татан төвлөрүүлснээс харилцагчид маань 💵20.5 тэрбум төгрөгийн өгөөж хүртээд байна.

🤗ӨНДӨР ӨГӨӨЖ ХҮРТЭЖ БУЙ ХАРИЛЦАГЧДАДАА БАЯР ХҮРГЭЕ!

📊ШИНЭ МЭДЭЭ

Atlassian компанийн тайлан сайн гарсан ч хувьцааны ханш нь буурлаа

Австралийн технологийн Atlassian Corporation 2024 оны санхүүгийн жилийн нэгдүгээр улирлын тайлангийн үзүүлэлт хүлээлтийг давсан ч хувьцааны ханш нь зах зээлийн дараах арилжааны үеэр 10 гаруй хувь буурсан байна.

📌Тухайлбал, тус компанийн борлуулалтын орлого 977.8 сая ам.долларт хүрч нэгж хувьцаанд ноогдох ашиг 65 цент гарснаар EPS хүлээлтийг 20 хувиар давжээ.

Atlassian компанийн хувьд энэ жил 41 хувийн өсөлтийг үзүүлээд байгаа бөгөөд 10 сард видео харилцааны стартап компани болох Loom-ыг 975 сая ам.доллараар худалдан авахаа мэдэгдсэн билээ. 

"MONEYBOX"  БОНД ЗАРЛАГДЛАА

Голомт Капитал ҮЦК нь Монибокс ХХК-тай хамтран нийт 💰10 тэрбум төгрөгийн, нэгж нь 💰1,000,000,000 /1 сая/ төгрөгөөр үнэлэгдсэн📍19.5%-ийн хүүтэй бондыг хөрөнгө оруулагчдад санал болгож эхэллээ.

🎯"MONEYBOX” бонд нь 19.5%-ийн хүүтэй бөгөөд хүүгийн түвшин нь бусад санхүүгийн бүтээгдэхүүнээс өндөр байна.

📍Монибокс ХХК нь Нэкст Дистрибьюшн ХХК-ийн охин компани бөгөөд 2022 онд үүсгэн байгуулагдсан, Нэкст Электроникс ХХК-иар дамжуулан хэрэглээний зээлийн үйлчилгээ үзүүлдэг.

📢Түүнчлэн Голомт Капитал ҮЦК нь өндөр өгөөж, барьцаа баталгаатай, богино хугацаатай бондуудынхаа захиалгуудыг амжилттай хааж, уул уурхай, барилга, банк санхүүгийн салбарын ТОП компаниудын бондын захиалгуудаа авч байна.

МХБ-ийн 2023.11.02-ны өдрийн арилжаа

2023 оны 11 дүгээр сарын 02-ны өдөр энгийн арилжаагаар 38 хувьцаат компанийн 81,742,031 төгрөгийн үнийн дүн бүхий 231,774 ширхэг хувьцаа арилжаалагдсанаас 16 компанийн хувьцааны ханш өсч, 13 компанийн хувьцааны ханш буурсан бол 9 компанийн ханш тогтвортой байлаа.

✅ ТУС ӨДРИЙН АРИЛЖААГААР:

• Хөрөнгө оруулалтын 2 сангийн 9,617 ширхэг нэгж эрх 5,984,891 төгрөгөөр,

• Багцын арилжаанд 133,662 ширхэг үнэт цаас 841,254,350 төгрөгөөр тус тус арилжигдсан байна.

✅УУЛ УУРХАЙН БҮТЭЭГДЭХҮҮНИЙ АРИЛЖААГААР:

• "Энержи ресурс" ХХК-ийн 2 багц 12,800 тонн баяжуулсан коксжих нүүрс 19,072,000 юань буюу 8,983,484,160 төгрөгөөр,

• “Монголросцветмет” ТӨҮГ-ын 1 багц 3,000 тонн 65%-ийн агууламжтай төмрийн баяжмал 309,000 ам.доллар буюу   1,065,311,490 төгрөгөөр тус тус арилжаалагдлаа.

• Энэ өдөр нийт 12,596,079,977 төгрөгийн үнийн дүн бүхий арилжаа зохион байгуулав.

• ТOП-20 индекс -0.21% хувиар буурч, 36,110.07 нэгж болсон бол зах зээлийн үнэлгээ 10,165,200,983,214 төгрөг боллоо. 

Энэ өдөр нийт 10,977,776,922 төгрөгийн үнийн дүн бүхий арилжаа зохион байгуулав.

ТOП-20 индекс 1.24% хувиар өсч, 36,558.46 нэгж болсон бол зах зээлийн үнэлгээ 10,219,329,430,162 төгрөг боллоо. 

Эрхэм таны хөрөнгө оруулалтын шийдвэр мэргэн байг!