🗣️Иран: АНУ-тай шууд хэлэлцэхгүй, саналыг нь дотооддоо хэлэлцэнэ

✋Иран АНУ-ын саналыг хэлэлцэж эхэлсэн ч шууд хэлэлцээнээс татгалзав

Иран улс АНУ-аас Персийн булангийн бүс дэх дайныг зогсоох зорилготой ирүүлсэн саналыг зуучлагч улсуудын шугамаар хүлээн авч, дотоод түвшинд хэлэлцэж эхэлсэн ч одоогоор Вашингтонтой шууд хэлэлцээ хийх бодолгүй байгаагаа мэдэгдлээ.

Ираны Гадаад хэргийн сайд Аббас Арагчигийн онцолсноор, зуучлагчдаар дамжсан санал солилцоо нь албан ёсны хэлэлцээ гэсэн үг биш бөгөөд эцсийн шийдвэрийг дээд удирдлагын түвшинд гаргах аж.

Эхний хариу сөрөг өнгө аястай байсан ч Тегеран тодорхой нөхцөл хангагдсан тохиолдолд дайныг зогсоох асуудлаарх байр сууриа өөрчлөх боломжийг нээлттэй үлдээж буй дохио ажиглагдаж байна. Мөн Иран улс аливаа гал зогсоох хэлэлцээрт Ливаныг заавал хамруулах шаардлага тавьж буй талаар бүс нутгийн эх сурвалжууд мэдээлжээ.

АНУ-ын Ерөнхийлөгч Доналд Трампын зүгээс илгээсэн 15 заалт бүхий саналд Ираны баяжуулсан ураны нөөцийг устгах, ураны баяжуулалтыг бүрэн зогсоох, баллистик пуужингийн хөтөлбөрийг хязгаарлах, мөн бүс нутгийн холбоотнуудын санхүүжилтийг таслах зэрэг шаардлагууд багтсан байна. Цагаан ордон уг саналын дэлгэрэнгүйг нийтэд ил болгоогүй ч, Иран үүнийг хүлээн зөвшөөрөхгүй тохиолдолд цэргийн ажиллагааг эрчимжүүлэх боломжтойг анхааруулжээ.

3 САРЫН ХАМГИЙН ЭРЭЛТТЭЙ БОНД

GC-Бондын супермаркет 🛒нь хөрөнгө оруулагчдадаа бэлэн бондын тасагт байгаа 3 сарын хамгийн эрэлттэй бондуудаа санал болгож байна.

• 🏭 Барилга - 20%

🌐golomtcapital.com/forms/bond
🌐trader.golomtcapital.com

🤝Трамп 5 дугаар сард Хятадад айлчилна

АНУ-ын Ерөнхийлөгч Доналд Трамп болон Ши Жиньпин нарын уулзалт Ираны дайнаас шалтгаалан хойшлоод байсан бол ирэх 5 дугаар сарын 14–15-ны өдрүүдэд Бээжин хотноо зохион байгуулагдахаар төлөвлөгджээ. Энэхүү айлчлал нь Трампын хувьд найман жилийн дараах Хятад дахь анхны айлчлал болох юм.

Түүний энэхүү айлчлал нь Ойрх Дорнод дахь хурцадмал нөхцөл байдлын дунд АНУ-ын геополитикийн байр суурийг бататгахын зэрэгцээ дэлхийн хамгийн том хоёр эдийн засгийн харилцааг тогтворжуулах зорилготой гэж үзэж байна.

Мөн Доналд Трамп БНХАУ-ын дарга Ши Жиньпинийг энэ онд Вашингтон хотноо хариу айлчлал хийхийг урьсан байна.

Тэрээр “Манай төлөөлөгчид энэхүү түүхэн айлчлалуудын бэлтгэлийг эцэслэж байна. Ерөнхийлөгч Шитэй уулзах нь чухал үйл явдал болно” хэмээн мэдэгджээ.

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд