🛢️Нийлүүлэлтийн эрсдэл нэмэгдэж, газрын тосны үнэ дахин өсөв

🛢️Нийлүүлэлтийн эрсдэл нэмэгдэж, газрын тосны үнэ дахин өсөв

Саудын Арабын эрчим хүчний дэд бүтцэд халдлага гарснаар газрын тосны зах зээлд нийлүүлэлтийн эрсдэл дахин нэмэгдэж, үнэ өсөх хөдөлгөөн үзүүллээ. Баасан гарагийн арилжааны эхэнд Brent төрлийн нефть $96.7/баррель, WTI $98.9/баррель хүртэл өссөн нь нийлүүлэлтийн доголдол бодитоор үүсэж эхэлж буйг илтгэж байна.

Халдлагын нөлөөгөөр Саудын газрын тосны олборлолт өдөрт ойролцоогоор 600 мянган баррелиар буурч, дамжуулах хоолойн хүчин чадал 700 мянган баррелиар саатсан талаар мэдээлэгдлээ. Сүүлийн зургаан долоо хоногт бүс нутагт 50 гаруй эрчим хүчний дэд бүтэц цохилтод өртөж, нийт 2.4 сая баррель/өдөр боловсруулах хүчин чадал доголдсон нь зах зээлд бодит нийлүүлэлтийн шок үүсгэж байгааг харуулж байна.

Үүний зэрэгцээ Ормузын хоолойн нөхцөл байдал бүрэн хэвийн болоогүй хэвээр байна. АНУ, Ираны хооронд түр гал зогсоох тохиролцоо хийгдсэн ч дамжин өнгөрөх тээвэрлэлтийн урсгал маш бага түвшинд хадгалагдаж, өдөрт цөөн тооны хөлөг онгоц нэвтэрч байна.

Мөн тохиролцооны хэрэгжилтийн хүрээнд талуудын байр суурь зөрүүтэй хэвээр байна. Ираны тал АНУ-ыг хэлэлцээр зөрчсөн гэж буруутгаж байгаа бол АНУ-ын зүгээс Ормузын хоолой бүрэн, саадгүй нээгдэх хүртэл дараагийн алхам хийхгүй гэсэн байр сууриа хадгалж байна. Энэ нь Исламабад хотод үргэлжлэхээр төлөвлөсөн хэлэлцээг илүү төвөгтэй болгож байна.

🪙ОНЦЛОХ БОНД

🔥ТОП-100 ААН-ийн нэг, үндэсний тэргүүлэгч компанийн ам.долларын бондод хөрөнгө оруулах боломж нээгдлээ!

💰Нөхцөл:
• Жилийн хүү: 11%
• Хугацаа: 24 сар
• Хүү олголт: Улирал тутам

✅Ам.долларын бондын давуу тал:
• Төгрөгийн ханшийн сулралаас хамгаална
• Валютын ханшийн өсөлтөөс давхар өгөөж хүртэх боломжтой
• Хүү + ханшийн өөрчлөлтөөс нийлмэл өгөөж хүртэнэ

👉 Ам.долларын бонд нь таны хөрөнгийг хамгаалахын зэрэгцээ өсгөх боломжийг бүрдүүлнэ.

📱Бондын зөвлөхүүд: 8888-9183 | 8083-6622 | 8665-1177 | 8888-9414
🌐Бондын форм: https://golomtcapital.com/forms/bond
💻Бондын захиалга өгөх: https://trader.golomtcapital.com/

📈Эрчим хүчний үнийн өсөлт Хятадын эдийн засагт нөлөөлж эхэллээ

Хятадын үйлдвэрлэгчийн үнийн индекс (PPI) гурван жил гаруйн дараа анх удаа өсөлтөд шилжиж, дэлхийн эрчим хүчний зах зээлд үүссэн дарамт эдийн засагт нөлөөлж эхэлснийг харууллаа. Гуравдугаар сарын байдлаар PPI өмнөх оны мөн үеэс 0.5%-иар өссөн нь 2022 оны есдүгээр сараас хойших анхны өсөлт болж, удаан үргэлжилсэн бууралтыг зогсоов.

Харин хэрэглээний үнийн индекс (CPI) 1%-ийн өсөлттэй гарч, зах зээлийн хүлээлтээс доогуур үзүүлэлт боллоо. Өмнөх сарын 1.3%-иас буурсан нь дотоод эрэлт сул хэвээр байгааг илтгэж, инфляцын өсөлт хязгаарлагдмал байгааг харуулж байна.

Дэлхийн хамгийн том нефть импортлогч Хятад улсын хувьд энэ өсөлтийн шууд нөлөөнд өртөж байгаа ч стратегийн нөөц, нийлүүлэлтийн олон эх үүсвэр нь богино хугацаанд дарамтыг тодорхой хэмжээнд зөөлрүүлж байна. Гэсэн хэдий ч түүхий эдийн өртөг нэмэгдэж буй нь үйлдвэрлэгчдийн ашигт ажиллагаанд сөргөөр нөлөөлж, үйлдвэрлэлийн салбарын нөхцөл байдлыг хүндрүүлэх эрсдэл нэмэгдэж байна.

🦾Google, Intel түншлэлээ бэхжүүлж, AI дата төвүүдэд Xeon 6 CPU ашиглана

Google болон Intel компаниуд хиймэл оюуны (AI) дата төвийн дэд бүтцэд чиглэсэн стратегийн хамтын ажиллагаагаа өргөжүүлж, Intel-ийн шинэ үеийн Xeon 6 процессорыг өргөн хүрээнд нэвтрүүлэхээр тохиролцлоо.

Гэрээний хүрээнд Google нь олон үеийн Intel Xeon CPU-г үргэлжлүүлэн ашиглахын зэрэгцээ AI сургалт болон inference (модел ажиллуулах) ачаалалд Xeon 6 платформыг үе шаттайгаар нэвтрүүлэх юм. Энэхүү шийдэл нь дата төвийн тооцооллын үр ашиг, эрчим хүчний оновчлолыг нэмэгдүүлэх зорилготой гэж талууд мэдээлэв.

Intel-ийн хувьд уг хамтын ажиллагаа нь AI чипийн зах зээлд Nvidia-гийн давамгайлалтай өрсөлдөх стратегийн чухал алхам болж байна. Google-ийн AI инфраструктурын ахлах удирдлагууд Xeon архитектурын гүйцэтгэл, өргөтгөх боломж нь өсөн нэмэгдэж буй AI ачааллыг дэмжихэд тохиромжтой гэж онцолсон байна.

Хамтын ажиллагаа зөвхөн CPU-ээр хязгаарлагдахгүй бөгөөд Intel-ийн infrastructure processing unit (IPU) технологийг ашиглан сүлжээ, хадгалалт, аюулгүй байдлын ачааллыг тусгаарлах замаар дата төвийн нийт үр ашгийг нэмэгдүүлэх чиглэлд мөн үргэлжилж байна. Энэ чиглэлд хоёр компани 2022 оноос хамтран ажиллаж эхэлсэн бөгөөд цаашид хөрөнгө оруулалт, хөгжүүлэлтийг нэмэгдүүлэхээр төлөвлөж байна.

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд