🗽АНУ-ын төв банк бодлогын хүүг хэвээр хадгаллаа

🗽АНУ-ын төв банк бодлогын хүүг хэвээр хадгаллаа

АНУ-ын Холбооны Нөөцийн Сангийн нээлттэй зах зээлийн хороо (FOMC)-ны ээлжит хурлаар бодлогын хүүг 3.50–3.75 хувийн түвшинд өөрчлөлтгүй хадгалах шийдвэр гаргав.

Federal Reserve-ийн тэргүүн Jerome Powell мэдэгдэхдээ, Ойрх Дорнодод өрнөж буй геополитикийн нөхцөл байдлын улмаас ойрын хугацаанд эрчим хүчний үнэ өсөх нь инфляцад нэмэгдэл дарамт учруулж болзошгүйг онцоллоо. Гэсэн хэдий ч эдгээр хүчин зүйлс эдийн засагт ямар хэмжээ, хугацаатай нөлөө үзүүлэхийг дүгнэхэд одоогоор эрт байгааг тэмдэглэв.

Энэ удаагийн хурлаар хорооны 12 гишүүнээс 11 нь бодлогын хүүг хэвээр хадгалах шийдвэрийг дэмжсэн бол 1 гишүүн эсэргүүцэж, бодлогын хүүг 0.25 нэгж хувиар бууруулах санал гаргасан байна.

Харин CME Group-ийн FedWatch Tool-ийн мэдээллээс үзэхэд, 6 дугаар сард болох FOMC хурлаар бодлогын хүүг бууруулах зах зээлийн хүлээлт огцом буурчээ. Тодруулбал, сарын өмнө ойролцоогоор 50 хувьтай байсан магадлал одоогоор 5.2 хувь болж буурсан нь бодлогын хүүг ойрын хугацаанд хэвээр хадгалах хүлээлт давамгайлж байгааг илтгэж байна.

3 САРЫН ХАМГИЙН ЭРЭЛТТЭЙ БОНД

GC-Бондын супермаркет 🛒нь хөрөнгө оруулагчдадаа бэлэн бондын тасагт байгаа 3 сарын хамгийн эрэлттэй бондуудаа санал болгож байна.

• 🏭 Барилга - 20%

🌐golomtcapital.com/forms/bond
🌐trader.golomtcapital.com

🛢️АНУ: Jones Act-ийн хязгаарлалтыг түр зөөлрүүлж, нефтийн урсгалыг нэмэгдүүлэх алхам хийв

АНУ-ын Ерөнхийлөгч Donald Trump Ираны дайнаас үүдэлтэй эрчим хүчний зах зээлийн савлагааг намжаах зорилгоор тээврийн салбарын чухал зохицуулалт болох Jones Act-ийн хэрэгжилтийг 60 хоногийн хугацаанд түр түдгэлзүүлэх шийдвэр гаргалаа.

Энэхүү шийдвэрийн хүрээнд АНУ-ын дотоод боомтуудын хооронд бараа тээвэрлэхэд зөвхөн дотоодын хөлөг онгоц ашиглах шаардлагыг сулруулж, газрын тос, байгалийн хий, нүүрс зэрэг стратегийн бүтээгдэхүүнийг гадаадын танкеруудаар тээвэрлэх боломжийг нээж байна. Энэ нь дотоодын нийлүүлэлтийн уян хатан байдлыг нэмэгдүүлж, богино хугацаанд зах зээлийн дарамтыг бууруулахад чиглэсэн алхам гэж үзэж байна.

Гэсэн хэдий ч энэхүү арга хэмжээний бодит нөлөө хязгаарлагдмал байх магадлалтай. Учир нь Jones Act-д нийцсэн АНУ-ын хөлөг онгоцны тоо цөөн байдаг тул гадаадын танкер ашиглах боломж нээгдэж буй нь тодорхой давуу тал боловч зах зээлийн суурь асуудлыг бүрэн шийдвэрлэхгүй хэвээр байна.

Тодруулбал, АНУ-ын нефть боловсруулах үйлдвэрүүд ихэвчлэн Ойрх Дорнодын хүнд төрлийн түүхий тос боловсруулахад тохирсон байхад дотоодын олборлолт нь хөнгөн төрлийн shale тос давамгайлдаг. Үүний улмаас түүхий тосны нийлүүлэлт болон боловсруулах бүтцийн хооронд зөрүү үүсч, тээвэрлэлтийн нөхцөлийг хөнгөвчилсөн ч эрчим хүчний дотоод тэнцвэрт байдалд үзүүлэх нөлөө харьцангуй хязгаарлагдмал хэвээр байна.

🧠Хятадын шинэ AI тренд: OpenClaw

Хятад улс хиймэл оюуны хэрэглээг нийгмийн бүх түвшинд нэвтрүүлэх бодлогоо эрчимжүүлж, OpenClaw нэртэй AI туслах хэрэгслийн хэрэглээ хурдацтай нэмэгдэж байна. Австрийн хөгжүүлэгчийн бүтээсэн уг AI агент нь компьютер дээрх олон төрлийн ажлыг хүний оролцоогүйгээр гүйцэтгэх чадвартай бөгөөд богино хугацаанд “виртуал туслах”-ын шинэ тренд болон өргөжиж байна.

Тус улсын технологийн тэргүүлэгч компаниуд болох Baidu болон Tencent OpenClaw-ийг олон нийтэд түгээх зорилгоор сургалт, танилцуулга, суурилуулалтын арга хэмжээнүүдийг идэвхтэй зохион байгуулж байна. Эдгээрт оюутан, албан хаагчдаас гадна ахмад настнууд ч оролцож, AI хэрэгслийг өдөр тутмын хэрэглээндээ нэвтрүүлж эхэлжээ.

OpenClaw-ийн гол боломжууд:

• Интернет хайлт гүйцэтгэх

• Онгоцны тасалбар захиалах

• Бусад AI системүүдийг удирдах

• Ажлын олон шат дамжлагыг автоматжуулах

Ийнхүү AI-д суурилсан “нэг хүний бизнес” загвар Хятадад эрчимтэй дэлгэрч, ганц хэрэглэгч маркетинг, санхүү, захиргаа зэрэг олон чиг үүргийг зэрэг удирдах боломж бүрдэж байна. Энэ нь Хятадын засгийн газрын урт хугацааны зорилттой нийцэж байгаа бөгөөд 2030 он гэхэд хиймэл оюуныг эдийн засгийн гол салбаруудын 90 гаруй хувьд нэвтрүүлэх стратегийн хүрээнд хэрэгжиж буй алхмуудын нэг юм.

Хөрөнгийн зах зээлийн мэдээ мэдээллийг цаг алдалгүй авч, гадаад арилжаанд оролцохыг хүсвэл 🌍манай VIBER cувагт нэгдээрэй!

🌍VIBER: https://golomtcapital.com/qr/viber

📌 Санхүү, эдийн засгийн дүгнэлтүүд
📌 Хамгийн сүүлийн үеийн мэдээ, тайлбар
📌 Статистик, техник шинжилгээний аналитик тайлбар, дүгнэлтүүд